Primeira victoria do equipo junior

Recibía o equipo junior ó C.B. Cambre no partido aprazado da pasada xornada, buscando a primeira victoria da tempada. O partido daba comezo hoxe xoves ás 12:00 horas no Pazo dos Deportes de Arteixo.

Contaban os arteixáns coas baixas de Richi e Nico por enfermidade, polo que foi convocado Darío do equipo cadete.

Comezaban os arteixáns mandando no marcador, conseguindo boas opcións de ataque e finalizando con acerto. Mediado o periodo, os cambreses aumentaron o seu nivel defensivo polo que complicaron o acerto dos locais, ó mesmo tempo que forzaban faltas ós locais e ían sumando pouco a pouco dende o tiro libre. Ó final do periodo, mandaban os locais 17-12.

O segundo periodo tivo moitas imprecisións por parte dos dous equipos. Moitas perdas de balón e pouco acerto de cara ó aro, polo que o marcador se movía nas mesmas diferenzas, chegando ó descanso 29-23.

A reanudación foi moi boa para os locais, aumentaron a intensidade en defensa, conseguido recuparar balóns e saír en rápidos contraataques para anotar con facilidade. Os de Cambre non conseguían ver aro con facilidade o que provocaba que os de Arteixo superasen nalgún momento do periodo a barreira dos 10 puntos de vantaxe. Chegouse ó final do periodo 45-33.

No último periodo, unha defensa presionante dos cambreses unida ás imprecisións dos arteixáns, reduciu a vantaxe por debaixo dos 10 puntos a 3 minutos do final do partido. Un tempo morto e uns axustes para saír da presión, fixeron que a vantaxe volvese a aumentar lixeiramente para os locais, chegando ó final do partido cunha vantaxe de 12 puntos (59-47).

C.B. Arteixo

Darío (2); Edu (0); Eloy (4); Dani (9); Manu (8); Damián (4); Diego (2); Adrián (0); Jacobo (4); Brais (16); Fabián (10);

Ad: Germán Lozano

C.B. Cambre

Loureiro (20); Vázquez (5); Cabado (0); Rivas (0); Carballo (5); Blanco (6); Bocelo (2); Bermúdez (0); Galego (5); Bello (2)

Ad: Javier Soto