Partidos para a fin de semana do 24 e 25 de Novembro

O sábado inicia a xornada o C.B. Arteixo infantil feminino, que disputará o seu partido contra Maristas Champagnat o sábado ás 11:15 horas no Polideportivo de Elviña II de A Coruña. As rapazas de Andrea tratarán de realizar un bo partido para conseguir a súa segunda victoria consecutiva da tempada e continuar coa súa progresión.

Tamén o sábado, ás 12:30 horas no Polideportivo Municipal de A Sardiñeira de A Coruña o C.B. Arteixo alevín mixto xogará o seu partido contra o Coreti Etiquetas B Culleredo. Os nenos e nenas de Arkaitz tratarán de seguir coa súa progresión pouco a pouco e perder os nervios da semana pasada no seu debut.

Xa na xornada do domingo o C.B. Arteixo infantil masculino recibirá ó Culleredo ás 10:00 horas no Pazo dos Deportes de Arteixo. Buscarán os rapaces de Edu a segunda victoria consecutiva ante un duro rival, que loitará por estar arriba na clasificación.

Despois do partido do infantil masculino, o C.B. Arteixo senior de 2ª división recibirá no Pazo dos Deportes de Arteixo ás 12:00 horas ó C.B. Celtas de Foz. Os xogadores de Fran Lozano tratarán de seguir ante o equipo da Mariña coa racha de victorias consecutivas, que xa está en seis.

Pecha a xornada o C.B. Arteixo senior de 4ª división, que recibirá ó C.B. Ventorrillo ás 19:00 horas no Pazo dos Deportes de Arteixo. Os xogadores de Germán Lozano tratarán de conseguir a segunda victoria da tempada e mellorar a imaxe mostrada no partido de hai dúas semanas ante o Filloa Jazz.

Pola súa banda, o C.B. Arteixo cadete e o C.B. Arteixo junior, teñen xornada de descanso debido a que hai un número impar de equipos na competición.