Minibasket: C.B. Arteixo 68 - 17 Dominicos

Partido correspondente á 17ª xornada da Liga preminibasket mixto, disputado o sábado ás 11:00 horas no Pavillón Agra 2 de A Coruña.

68 - 17  (19-4 / 10-2 / 13-9 / 18-2 / 8-0 / )

Comezaba o partido cos arteixáns moi metidos nel. Liñas de pase na defensa cunha gran actividade e sendo solidarios no ataque, buscando ó compañeiro mellor situado para atacar a canastra (19-4)

No segundo periodo a actividade defensiva seguía a ser moi elevada, case sen deixar respirar ós rivais. Sen embargo, no ataque non se conseguían esas situacións de superioridade con tanta facilidade e non se estaba acertado de cara ó aro (29-6)

O terceiro periodo foi o máis igualado. A defensa dos arteixáns descendeu o seu nivel de actividade e os bos ataques fiados polos rivais fixeron que anotasen con facilidade. O ataque dos arteixáns seguía a superar a defensa rival, anotando tras 1x1 ou tras rebote de ataque (42-15)

Á volta do descanso, o vendaval arteixán pasou pola pista. Gran actividade na defensa do 1x1, nas liñas de pase e nas axudas defensivas facían que o rival se vise desbordado. Moitos roubos de balón provocados pola gran defensa realizada facilitaban canastras de contraataque en 1x0 (60-17)

No quinto periodo pechouse o marcador. Os arteixáns continuaron realizando o seu xogo, sendo solidarios no ataque e esforzándose na defensa (68-17)

C.B. Arteixo

Víctor, Gonzalo, Manu, Miriam, Abel, Ángel, Samuel, Inés, Iago, Daniel, Claudia e Lola

Adestradores: Arkaitz Collazo e Germán Lozano

A vindeira fin de semana, o C.B. Arteixo disputará o seu último partido de liga contra Montrove mixto en día, lugar e hora por determinar