Partido correspondente á 14ª xornada da 2ª división cadete masculino, disputado o sábado ás 12:00 horas no Pavillón do Colexio Santa María del Mar de A Coruña.
57 - 38 (13-6 / 14-12 / 17-10 / 13-10)
Comezaba o partido con moito desacerto por parte dos arteixáns, que se apoiaban nunha boa defensa para agarrarse ó partido (13-6)
No segundo periodo, as cousas axustáronse bastante máis e o acerto no ataque do equipo visitante mellorou un pouco. Sen embargo o problema máis importante estaba en que o equipo colexial non deixaba correr ós de Arteixo, que se vían abocados a xogar continuamente en 5x5 (27-18)
Á volta do descanso apareceron os mellores minutos dos colexiais, que comezaron a acertar dende a liña de 6,75 e chegaron a acadar a máxima diferenza do partido ata ese momento (44-28)
Aínda que o partido parecía decidido no último periodo, os arteixáns nunca se deron por vencidos e pelexaron tódolos balóns ata o último segundo do partido (57-38)
C.B. Arteixo
Aimán, Fabio, Saúl, Fran, Daniel, Zas, Jacobo, Mario, Hugo, Jose e Carlos
Adestrador: Iván García
A vindeira fin de semana, o C.B. Arteixo enfrontarase ó Basquet Coruña 00 ás 18:00 horas do sábado no Pazo dos Deportes de Arteixo
No hay comentarios:
Publicar un comentario