Partido correspondente á 2ª xornada do Grupo D da Copa Primavera Cadete Masculino, disputado o sábado ás 12:00 horas no Pavillón Vila de Noia de Carballo.
59 - 38 (13-10 / 13-9 / 13-10 / 20-9)
Comezaba o partido igualado no marcador e, aínda que os locais sempre estaban por diante no marcador, os arteixáns non perdían a cara ó encontro. Moi intensos estaban os dous equipos, o que facía que o partido fose bonito de ver. Finalizaba o primeiro periodo cun 13-10 no marcador.
No segundo periodo, os de Artai seguían por diante no marcador e distanciábanse ata case os 10 puntos, pero un cambio de defensa e de actitude dos arteixáns volveron a apretar o marcador, pero sempre cos locais por diante. Chegábase ó descanso cun 26-19 no marcador.
O terceiro periodo foi moi similar ó primeiro, os locais trataban de despegarse no marcador, pero a defensa e a intensidade dos arteixáns impedían que as diferenzas superasen os dez puntos no marcador. Finalizou este periodo cun 39-29 no marcador.
No último periodo os arteixáns apretaron aínda máis e conseguiron situarse a 6 puntos dos locais, pero varias accións consecutivas dos locais puxeron a vantaxe por enriba dos 10 puntos e nos minutos finais os arteixáns deixáronse ir, facendo que ó final do partido a diferenza no marcador fose a máxima de todo o partido.
Gran partido dos xogadores de Arkaitz, que se enfrontaban a un complicado equipo no seu feudo.
Por parte do C.B. Artai xogaron M. García, Gesto, Pina, Pérez, Blanco, J. López, Barreiro, M. López, Figueira, B. García, Penedo e Sueiro.
Adestrador: Joaquín Moreira
Por parte do C.B. Arteixo xogaron Miguel, Aimán, Jonathan, Javi, Adrián Vázquez, Antón, Adrián Zas, Mario, José, Carlos, Adrián Ponte e Víctor.
A vindeira fin de semana non haberá xornada por ser Semana Santa, polo que a competición volverá o domingo 27 de abril no partido que enfrontará ó C.B. Arteixo e ó A.D.F.R.O. ás 10:00 horas no Pazo dos Deportes de Arteixo.
No hay comentarios:
Publicar un comentario