Senior 4ª división: C.B. Arteixo 47 - 44 ACB Costa da Morte

Partido correspondente á 2ª xornada do grupo A-3 da 4ª división masculino, disputado o domingo ás 19:00 horas no Pavillón de Meicende.

47 - 44  (6-6 / 21-10 / 11-14 / 9-14)

Primeira victoria na nova fase da competición para os arteixáns, nun partido no que os de Cee se presentaron con só 5 efectivos.

Comezou o partido cos de Cee dominando o ritmo de xogo, lento e cunha defensa zonal pechada que permitía o lanzamento dos locais. O balón circulaba polo exterior con comodidade, pero as mellores opcións de tiro chegaban tras balón interior anque non eran quen os de Arteixo de anotar máis alá da liña de tres puntos (tónica que se repetiría en todo o partido), cehgando ó final do periodo cun 6-6 no marcador.

No segundo periodo, a cara dos arteixáns cambiou por completo, aumentaron a intensidade defensiva e non deixaban que a zona local se colocase, imprimindo un ritmo de xogo moi elevado. Así as diferenzas ó final do periodo sobrepasaban os 10 puntos (27-16)

Á volta do descanso, os arteixáns estaban despistados na defensa e eran sobrepasados con facilidade por parte dos de Cee. No ataque o balón non circulaba con tanta facilidade e non se metían balóns interiores. Aínda con esto, os locais seguían con vantaxe no marcador (38-30)

No último periodo chegou a debacle local, a defensa empeoraba e o ritmo de xogo volvía a ser dominado polos visitantes, que se permitían ata realizar contraataques, chegando a limar a diferenza ata os 3 puntos finais que sinalaba o marcador (47-44)

Por parte do C.B. Arteixo xogaron Miguel (4), Cotelo (6), Juan (6), Juan Carlos (4), Pavo (0), Víctor (10), Dylan (10), Pablo (0) e Dany (3)

Adestrador: Germán Lozano

Por parte do ACB Costa da Morte xogaron Pereira (14), L. Martínez (3), Suárez (5), Vázquez (17) e S. Martínez (5)

Adestrador: M. Vázquez

A vindeira fin de semana o C.B. Arteixo xogará, a falta de confirmación oficial, contra o Ferrol C.B. o domingo ás 12:00 horas no Pavillón de A Malata de Ferrol