Preminibasket: Santo Domingo Betanzos 43 - 16 C.B. Arteixo

Partido correspondente á 8ª xornada da liga preminibasket, disputado o domingo ás 12:30 horas no Pavillón Agra II de A Coruña

43 - 16  (6-10 / 10-2 / 14-0 / 6-2 / 4-2 / 3-0)

Comezaba o partido intenso para os xogadores de Víctor García, que conseguían circular o balón e defender correctamente, facendo que se puxesen por diante no marcador-

No segundo periodo, baixou a intensidade na defensa, que unido a un só acerto á canastra, cambiou o marcador e fixo que os brigantinos se puxesen por diante.

No terceiro periodo, debido ó desánimo do segundo, aínda houbo menos intensidade no xogo e non conseguimos acertar de cara ó aro, deixando o partido case resolto para os de Betanzos.

Á volta do descanso, volveuse a cambiar a intensidade, sobre todo na defensa, baixando a aportación dos xogadores contrarios, aínda que o acerto de cara ó aro seguía a ser case nulo.

Nos dous últimos periodos, ámbolos dous equipos aumentaron o seu nivel defensivo, facendo que o marcador apenas se movese ata o final do partido.

Nova derrota, pero non caen os ánimos. Hai que intentar mellorar o acerto de cara ó aro nos próximos partidos e continuar co nivel de intensidade da segunda metade do partido.

Por parte do C.B. Arteixo xogaron Iker, Martín, Víctor, Diego, Carla, Manu, Lucas e Jorge

Adestrador: Víctor García

A vindeira fin de semana, o C.B. Arteixo disputará o seu partido contra o Salgado Montrove B en lugar, día e hora por determinar.