Recibía o C.B. Arteixo o domingo ás
10:00 horas no Pazo dos Deportes de Arteixo ó Salgado Montrove no primeiro
partido da segunda fase da competición.
Comezaba o partido e as imprecisións
en ámbolos dous equipos era a tónica a seguir. Moitos pases errados, fallos na
defensa a toda pista e malas situacións de lanzamento facían que o primeiro
periodo rematase cun 8-12 no marcador.
No segundo periodo, os visitantes
metíanse de cheo no partido aportando defensa e rebote, estadística esta última
dominada completamente polo Montrove. Grazas a esto, conseguían canastras en
segundas oportunidades que poñían un 17-29 no marcadore ó descanso.
Á volta dos vestiarios, o partido
foi completamente diferente. Ámbolos dous equipos defendían a toda pista e
alternaban defensas zonais con individuais e o marcador apenas se movía, só con
accións individuais dos homes rápidos de cada equipo. Remata o periodo cun
27-40 para os visitantes.
O último periodo, un mal inicio dos
locais fixo que os de Montrove se distanciasen no marcador ata chegar ós 20
puntos de diferenza. Unha pequena reacción final fixo que o marcador se
maquillase para chegar ó 46-62 final.
A próxima semana o C.B. Arteixo visitará
ó CD Los Rosales en hora e lugar por determinar.
C.B. Arteixo
Miguel C; Darío; Natahel; Juanlu;
Jonathan; Miguel D; Javi; Leo; Iván; Adrián; Antón.
Ad: Jose Ríos
No hay comentarios:
Publicar un comentario