Senior 2ª división: Carballo Basket 58-65 C.B. Arteixo

Partido xogado o sábado ás 18:00 horas no Pavillón da Zona Escolar de Carballo contra o Carballo Basket Xiria.

Segue no bo camiño o C.B. Arteixo ó gañar na difícil pista do Carballo Basket, na que foi a 11ª victoria (todas elas consecutivas) en 12 partidos.

O partido presentábase moi complicado e disputado e, aínda que no primeiro periodo os visitantes parecía que ían dominar claramente (acabou o periodo con 8 puntos de vantaxe para os arteixáns), a realidade foi outra, e foi todo o igualado que se esperaba. Neste primeiro periodo, os arteixáns controlaban o partido anotando con relativa facilidade e os carballeses, aínda que tiñan boas opcións de tiro, non eran quen de aproveitalas. Rematou o periodo cun 13-21 para os arteixáns.

No segundo periodo igualáronse as forzas, os locais asentáronse un pouco máis no partido e os visitantes tiveron máis dificultades para anotar. Aínda así, as diferenzas mantivéronse e ó descanso os arteixáns seguían 8 puntos arriba (29-37).

Na segunda parte, máis do mesmo, os carballeses apretaron pero os arteixáns non deixaron que os locais se puxesen por diante no marcador, aínda que o marcador se apretaba por veces. A cada arreón local, os visitantes respostaban para chegar ó final do periodo con seis puntos de vantaxe (43-49).

No último periodo, o saber estar dos xogadores arteixáns, aínda que os locais o intentaron de tódolos xeitos posibles, fixo que a victoria non se escapase para os xogadores de Fran Lozano.

A próxima semana o C.B. Arteixo recibirá ás 12:00 horas do domingo no Pazo dos Deportes de Arteixo ó Caferlo Viveiro, esperando continuar coa racha de victorias.

Carballo Basket Xiria

Rodríguez (0), Añón (4), F Cristóbal (5), Parcero (5), Cortés (16), Vega (0), Mosquera (13), Fernández (-), Taibo (0), Gómez (4), Pérez (5), R Cristóbal (6)

Ad: Basilio Pampín

C.B. Arteixo

Rober Garnelo (0), Iván (2), Diego (22), Álex (4); Guille Conchado (7), Guille Vilanova (1), Manu (13), Edu (8), César (2), Rober Vilariño (0), Mindi (6), David (0)

Ad: Fran Lozano