Partido que se xogou o domingo ás
11:15 horas no Pavillón Elviña I de A Coruña, que enfrontaba ó Compañía de
María e ó C.B. Arteixo.
Xornada complicada para o infantil
feminino. Nova ausencia de Miriam, pero contaron coa axuda de Aitana, subindo
de categoría.
Foi un partido moi difícil para as
nenas de Andrea. Saíron con ganas de gañar o partido, pero a realidade era
outra. Tras moitos erros en defensa, deixando soa a unha das xogadoras máis
relevantes do equipo, o rival ía separándose máis e máis no marcador. Deixando como
primeiro parcial do partido un 18-8 , a favor dos locais.
Nos seguintes cuartos, as xogadoras
do C.B. Arteixo fallaron na maioría dos tiros a canastra, facilitándolle
enormemente os rebotes ás rivais. Seguindo cunha defensa mínima, as xogadoras
locais aproveitaron calquera erro para meter canastras dende debaixo do aro, convertendo
a maioría delas.
Remata o partido co último parcial
máis ou menos igualado 8-4 , deixando o resultado final en 47 – 28.
Será na próxima xornada onde as
infantís farán un gran esforzo para intentar gañar.
C.B. Arteixo
Aitana (4); Victoria(2); Angélica
(2); Noelia (6); Sonia (6); Laura (8)
Ad: Andrea Álvarez
No hay comentarios:
Publicar un comentario