Primeira victoria do equipo cadete (50-49)

Recibía o C.B. Arteixo o domingo ás 10:00 horas no Pazo dos Deportes de Arteixo ó BCA 97 intentando sumar a súa primeira victoria do ano, despois de empezar a tempada ante os dous favoritos ó liderato do grupo, culminando ámbolos dous en derrota.

O partido comezaba dominado polos arteixáns, que conseguían manter a raia ós dous xogadores interiores de BCA con defensas intensas nas liñas de pase. A pesar deso, varias imprecisións facían que o marcador fose axustado, síntoma de como sería o resto do partido.

O segundo periodo foi outra historia completamente diferente, as dificultades defensivas e os atascos no ataque facían que os xogadores de Jose recibisen un parcial de 0-8, poñendo vantaxes para os visitantes, necesitando dun tempo morto para deter o parcial en contra.

O terceiro periodo comezou como un partido novo para ámbolos dous equipos, onde o físico los locais impúxose nunha gran defensa a toda pista, o que tamén derivaba en ataques máis pobres e pouco movemento sen balón, acadando anotacións moi baixas ámbolos dous equipos.

O último period comezaba moi ben para os de Arteixo, co partido de cara, unha vantaxe de 11 puntos e unha boa defensa presionante. A intensidade na defensa facía que o único base do equipo cometese a súa 5ª falta, o que dificultaba a saída do balón e a coordinación en pista.

Aínda así, nun alarde de exemplo e intensidade, os exteriores conseguían facer ben o seu traballo. Ata os dous últimos minutos de partido, onde as perdas de balón eran a tónica habitual e BCA chegaba ós 10 últimos segundos con balón para gañar o partido. Unha boa defensa de axudas dos locais bloqueaba o ataque visitante, quedando a victoria en Arteixo (50-49) e estrenando o casilleiro de victorias dunha tempada que se presenta moi dura e esixente.

C.B. Arteixo

Miguel C; Darío; Natahel; Juanlu; Jonathan; Miguel D; Javi; Leo; Iván; Adrián; Antón.

Ad: Jose Ríos