Partidos para a fin de semana do 17 e 18 de Novembro

O sábado inicia a xornada o C.B. Arteixo infantil feminino, que disputará o seu partido contra Carballo Basket o sábado ás 11:15 horas no Polideportivo de Elviña II de A Coruña. As rapazas de Andrea tratarán de realizar un bo partido para conseguir a súa segunda victoria consecutiva.

O sábado pola tarde, ás 18:00 horas, o C.B. Arteixo junior visita ó Tirso de Molina de Ferrol, líder invicto do grupo intentando seguir mellorando pouco a pouco e poder pelexar por conseguir a victoria. O partido disputarase no Colexio Tirso de Molina de Ferrol.

Xa o domingo, por fin comeza o C.B. Arteixo alevín mixto a competición. Os rapaces e rapazas de Arkaitz comezarán a súa andadura na competición o domingo ás 11:00 horas no Polideportivo Agra II de A Coruña contra o Obradoiro. Xa levan moito tempo e con moita ansia esperando esta fin de semana.

Tamén o domingo pecha a xornada o C.B. Arteixo infantil masculino. Visitará ó ACB Costa da Morte ás 12:00 horas no Pavillón Municipal de Cee. Buscarán os rapaces de Edu a primeira victoria da tempada, que non tardará moito en chegar vendo o nivel de xogo que están amosando este principio de tempada.

Como nota destacada desta fin de semana, hai que dicir que tres equipos do club teñen xornada de descanso: o C.B. Arteixo senior de 2ª división e o C.B. Arteixo senior de 4ª división descansan por ser unha liga cun número impar de equipos.

Pola súa banda, o C.B. Arteixo cadete ten xornada de descanso debido a que o C.B. Laracha retirou o equipo da competición, deixando un grupo de 6 equipos.