Partidos da fin de semana do 10 e 11 de novembro

Esta fin de semana, o primeiro equipo en xogar o seu partido é o C.B. Arteixo infantil feminino, que disputará o seu partido contra ADFRO o sábado ás 11:15 horas no Polideportivo Municipal Agra II de A Coruña. As rapazas de Andrea tratarán de realizar un bo partido como o da primeira xornada e seguir mellorando pouco a pouco.

O sábado pola tarde, o C.B. Arteixo cadete visitará ó Costa da Morte na busca da segunda victoria consecutiva e igualar o casilleiro de victorias e derrotas. O partido comezará ás 16:00 horas no Pavillón Municipal de Brens.

Xa o domingo, inicia a xornada o C.B. Arteixo infantil masculino, que recibirá ás 10:00 horas no Pazo dos Deportes de Arteixo ó ADFRO. Os xogadores de Edu, tratarán de conseguir a primeira victoria da tempada e continuar coa mellora acadada dende o principio da tempada.

Ó finalizar o partido dos infantiles, xogará o C.B. Arteixo senior de 2ª división que recibirá ó C.B. Cluny ás 12:00 horas no Pazo dos Deportes de Arteixo, coa intención de seguir nos altos postos da clasificación e continuar coa racha de victorias consecutivas, que xa ascende a 4.

Na xornada da tarde, o C.B. Arteixo junior recibirá ó Narón ás 17:00 horas no Pazo dos Deportes de Arteixo. O equipo intentará sumar unha nova victoria, despois de que se escapase no último periodo o partido da pasada xornada ante BCA.

Pecha a xornada o C.B. Arteixo senior de 4ª división que recibirá ó Filloa Jazz ás 19:00 horas no Pazo dos Deportes de Arteixo. O obxectivo dos xogadores de Germán será o de sumar a segunda victoria da tempada e seguir evolucionando no xogo do equipo.