Cadete: C.B. Arteixo 104-36 BCA 98 B

Recibía o C.B. Arteixo o domingo ás 10:00 horas no Pazo dos Deportes de Arteixo ó BCA 98 B despois de dúas longas semanas sen competir debido á xornada de descanso e a que o C.B. Laracha se retirou da competición.

Partido sen moita historia para os rapaces de Jose, xa que o 17-0 co que remataba o primeiro periodo deixaba bastante costa abaixo o partido.

O segundo periodo comezou máis igualado debido ás innumerables perdas de balón de ámbolos dous equipos, que en ocasións se materializaban en canastra ó contraataque. Ó descanso ós arteixáns tiñan unha vantaxe de 24 puntos.

Os arteixáns lonxe de conformarse co resultado e co xogo despregado, continuaban no terceiro periodo coa súa defensa que facía valer o seu físico, recuperando balóns de xeito constante.

O último periodo foi similar ó terceiro, no que a defensa e o ritmo acelerado do balón marcaban a tónica dun partido sen moita historia. Ó remate do partido o marcador sinalaba un 104-36 a favor dos locais..

Boa inxección de ánimo para os xogadores de Jose, que visitarán ó Sant Yago na próxima xornada.

C.B. Arteixo

Miguel C; Darío; Natahel; Juanlu; Jonathan; Miguel D; Javi; Leo; Iván; Adrián; Antón.

Ad: Jose Ríos