Fin do VI Campus Club Baloncesto Arteixo - Concello de Arteixo

Onte, día 31 de xullo, rematou o VI Campus Club Baloncesto Arteixo – Concello de Arteixo que tivo comezo o 15 do mesmo mes.

Como cada ano, máis de corenta rapaces e rapazas do Concello de Arteixo poideron desfrutar deste campus, con diversas actividades, pero centrándose na propia, o baloncesto.

O día 17 resaltou a visita dun convidado especial, a visita de Jorge Blanco. Jorge é árbitro de nivel 1 do Comité Galego de Árbitros de Baloncesto. Debutou na liga EBA na tempada 2011/2012. Xogador de baloncesto durante moitos anos, dos cales, a gran maioría víronse mesturados coas ocupacións de árbitro.

Jorge deunos unhas pautas para poder chegar a ser bos xogadores sen cometer infraccións, tamén nos explicou diferentes accións das que a xente ten unha visión totalmente contraria á realidade. 

Durante o Campus, deixando de lado o aspecto máis deportivo, fixemos varias saídas, unha o día 19 ao Aquapark de Cerceda, aproveitando así o bo tempo que facía nesa semana. Outra das saídas, nun ambiente máis natural, foi a Area Recreativa do Seixedo, onde realizamos distintos xogos: cooperativos, de orientación... e finalmente xogos coa auga!

O martes 30 tivemos unha actividade contraria ao baloncesto, unha actividade co Rugby Zalaeta.

Achegáronnos a este deporte tan interesante, ensináronnos como coller un balón, como pasalo, as regras básicas… Desfrutamos durante tres horas!

Para rematar, o último día fixemos as finais das distintas competicións que levamos a cabo durante os 14 días anteriores, finais de K.O. , tiro libre, tiro libre por tempo.. Tamén realizamos un pequeno torneo por equipos, onde xogamos varios partidos contra os compañeiros e monitores do campus.

Agora toca desfrutar ao máximo, e para iso, queremos desexarlles un bo verán a tod@s @s participantes deste VI Campus Club Baloncesto Arteixo!