Senior 4ª división: IDEFIC 70-52 C.B. Arteixo

Visitaba o C.B. Arteixo ó IDEFIC no que se está a convertir nun dos clásicos da liga. O partido disputábase o venres ás 20:45 horas no Pavillón da Antiga Facultade de Maxisterio de A Coruña.

Os xogadores de Germán presentábanse cun bo estado de ánimo, pero o primeiro periodo foi un bofetón en toda a cara para os visitantes, véndose desbordados pola aplastante saída dos locais. O marcador ó final do periodo marcaba un 26-3 para os locais.

O segundo periodo foi contario, os arteixáns apretaron en defensa e buscaron mellores opcións no ataque para impoñerse neste periodo. Todo esto unido ó desacerto local, deixou a diferenza ó descanso en 11 puntos (35-24).

Despois do descanso os arteixáns seguiron cunha boa intensidade defensiva e con boas opcións de ataque. Chegaron incluso a poñerse a 8 puntos e con posesión, pero non a conseguiron anotar e os da Facultade volveron a estar acertados no ataque, aumentando a diferenza ós 17 puntos ó finalizar o periodo (51-34).

O último periodo foi un intercambio de canastras por parte dos dous equipos, que non alterou o marcador nin o puxo en perigo para os da Facultade de Informática. Ó final, 70 a 52 para os locais.

Destacar que os tres periodos finais foron dos mellores da tempada para o C.B. Arteixo, que de seguir nesta liña e non saír durmidos ós partidos, pronto apareceran as victorias no seu casilleiro.

A próxima semana, o C.B. Arteixo ten dúas citas nunha xornada doble. O xoves ás 19:00 horas no Pazo dos Deportes de Arteixo contra Dinamo CBAJ e o domingo ás 19:00 horas tamén no Pazo dos Deportes de Arteixo contra o C.B. Cambre.

IDEFIC

Fernández (4), Acevedo (3), A Vázquez (2), J Vázquez (3), Cobos (4), Martín (10), Timiraos (4), Rodríguez (21), Trigo (4), Niñe (13)

Ad: David Pérez

C.B. Arteixo

Germán (0); Cotelo (0); Juan (2); Pavo (3); Víctor (9); Arkaitz (2); Dylan (12); Adrián (10); Yassir (8); Héctor (0); Pablo (3); Dani (3)

Ad: Germán Lozano